New ihome 2013
2014年4月29日 星期二
石澳沙灘
2014.4.19 (Saturday)
嘩!好多年無去過石澳喇。以前D姨娚細個成日帶佢地黎玩沙游水。依家個個都大喇,自己同朋友仔黎!咁我地唯有自己gogogo la....
去石澳,一定要七點前到!因為要泊車,晏左就要等好耐!
今日六點半到達,咸蛋黃剛出現!
天氣不似預期!無尋日去行山咁好天。
時晴時陰,老公想曬黑就有D困難。
一早唔係咁多人,到中午就...人多起來。
愈來愈多人!我地就閃人!
行山again + BBQ
2014.4.18 (Friday)
一連四天復活節假期開始!
陽光普照既一天,又係郊遊既時候!近近地,行去鶴藪水塘again !
天氣開始轉熱,龍眼預備出埸!
變色龍都黎埋,好驚呀(≧∇≦)
今日晏左行,曬到個人都黑左!
行完返屋企,洗個白白休息一陣,又開始下半場 ~ BBQ , yeah!
香草羊架好好味!
澳洲和牛無得輸!
燒菠蘿,原來係very good, 好 juicy。
烤尤魚!回味少年時去戲院睇戲既小食!
愉快既一天。
2014年4月17日 星期四
自家制雪糕
前兩日睇肥媽節目「食平DD」教整Tiramisu雪糕。 見佢
用cream + 煉奶 + 架啡粉,三樣野就打成一盒雪糕。So easy!! 咁.....
見剩左D cream 同士多啤梨喺雪櫃,我緊係要試一試啦!!
嘩!不得了!口感同味道都好像樣呀。以後整完蛋糕D材料有出路啦!
老公個肚皮就會愈黎愈脹!
2014年4月15日 星期二
媽媽慶生飯
2014.04.12 (Saturday)
今日係媽媽生日正日。祝媽媽身體健康,開開心心!
本來打算在家開party 的,但唔齊人,改為到酒樓晚飯吧!
見到班孫仔孫女,佢就very happy !
食嘜都哨哂牙啦。
整左個生果cake!都幾大個架,諗住食唔哂,點知又ko 左!呵呵!多謝大家賞面Y(^_^)Y
我整D蛋糕,細佬最捧場!哼!order 一個朱古力餅碎忌廉蛋糕,自己慢慢嘆!救命呀!
姨娚女琦琦適逢考試,努力博殺中。我都整杯 Oreo 木糠布甸比佢,以示鼓勵!希望你考到好成績呀。
2014年4月5日 星期六
鶴藪行山徑
清明人人去拜山,我倆一早去行山!
今日行鶴藪郊遊徑,到終點鶴藪水塘約一粒鐘!感覺良好,爽呀!
由屋企開始行入村,有好多農場...
巧大個椰菜呀
Are you ready? Go...
原來有個露營場
唔行唔知身體好^_^
大自然,呼吸新鮮空氣!fresh !
到喇!環境清幽,地靈人傑!
好c服呀。I
'll be back !!
較新的文章
較舊的文章
首頁
訂閱:
文章 (Atom)