昨天，老公whatsapp我，話公司已發佈來年復活節假，將會有旅遊活動。叫員工比D意見，睇下去邊處。
嘻嘻! 講外遊，大家都很雀躍。不約而同都會首選日本。咁…東南西北，邊區好呢？
大伙兒5天團，首選京阪神。有得行街shopping, 有樂園，有公園, 城府，有觀光景點，有海灘，有温泉。而地區之間也不遠。
北海道固然吸引，雖然已到訪多次。但地大脈搏，路途較遙遠，唔想花太多時間在旅巴上。而且5天團，去不到那兒。加上跟團，去既地方也很大路。玩味不到北海道精髓之處。
九州地區，也不太吸引，困在旅巴時間也較長。而且，多年來，一講九州，大家也只会會說"豪斯登堡", 救命呀。
中部，年初已走訪一轉。但北陸，金澤，能登半島，是有點期待的。不過，跟團及與老闆員工一起去的，就有點不同玩法啊。還是遲些時間，自駕遊好D。
東京，富士山也是不錯選擇。已有多年沒有踏足此處。可惜公司數年前，已走訪過，也就作罷。
究竟最終回怎樣呢，有待老闆決定!
12.10.2014 (Sun)
慶生飯局一浪接一浪。今日輪到一班大食好友，為黎生及另外兩位十月之星慶生。
三聖海鲜及大閘蟹宴@陳農氏
中午時份，先相約於三聖邨南記吃午餐。
再到附近之海鮮市場購買肥美新鮮靚海鮮…
陳主席邦襯开呢間"忠仔記"
靚姐好nice, 我地想買牡丹蝦做刺身，but, 佢話賣哂，剩番兩隻。隨即諗住撈起比埋我地KO佢。兩位大食友即刻去洗手啦…說時遲那時快，另一位阿姐級話呢兩條係'種' 黎架，要黎養水，唔比得我地食啊。噢！空歡喜一場。
哈哈！唔緊要啦! 去揀海鮮lu…
買左三千幾蚊，包括: 加拿大象拔蚌，墨魚，海螺，花竹蝦 (呢四款做刺身), 另外有西星斑，花螺，瀨尿蝦。
伍導遊提供北海道帶子刺身，另外一pair 大食友訂左大閘照蟹公及生日蛋糕。 wow… 巧丰富呀。
搞掂! 打道回陳府。
先打8圈衛生麻雀，嘻！有少少斬獲，邦補下呢餐海鮮宴呀，happy...
Tea Time, 切餅先啦。恭祝三位壽星仔女生日快樂，身體健康，日日有食神。
晚餐來了！
先吃大閘蟹。嘩! Ok啊，好多羔呀。第一次試 "元朗新大衆"，good, 可番啅啊。
2014.10.10 (Fri)
今日老公正日生晨，一於同佢去擦大餐。
Dinner buffet@Kitchen, W Hotel
自助餐選擇多，中西日國際美食，任君選擇，唔使擔心啱唔啱口味，正。
是日老公提早收工，仲車埋我一齊去酒店，抵錫。
早左到達，就去圓方行下街，順便買D咖啡粒。老公仲試左杯特濃expresso, 話味道唔錯。咁…咪買番兩條囉。
Book左6:30, 我地6:10 已到，諗住等一陣啦，点知佢話入得，仲可以开始添。咁我地就开動啦…yeah
