27.07.2014 (Sunday)
是夜同老公去左聽演唱會呀 ~ 孫燕姿 克卜勒世界巡迴演唱会 - 香港站最後一埸，開心。
须然坐得比較後，但对正個舞台架。好好睇，無悶埸，氣氛超正。仲有莫文蔚做嘉賓，wow....encore 左兩次添呀，好少可架! 超滿足。
近日又發現中国黑心食品! 上海福喜售賣過期肉類，連麥記都有份害命，過期肉都照用，唉！錢不能這樣赚啊!
大城市都管制不好，小鎮都唔敢想像。
以前曾在東莞工作，已感到治安唔係咁好，lunch 又唔知食咩好，安全起见，就係M記。点知，原來大品牌都唔一定安全。共產國家就是一视同仁嘛!
中國越是起飛，人類生命越见危險。
一向见到中國制D食品都可免则免的。寧做漢奸，蘿白頭，食幅射海產水蜜桃，也不吃腐肉假蛋地溝油!!
早兩個月係萬寧換左個煲，都未諗到整咩好之際，就用左佢黎煲…牛蒡粟米竹庶肉竹红蘿白水。貪佢個煲夠哂大，嘻嘻！
夏日炎炎，雪凍佢飲，消暑解渴。正!
夏日炎炎，成日想食D冷盤, 消暑食品。
尋日见哈根大雪糕做特價，買兩盒仲送2L 可樂，就買番兩盒雲呢拿啦! 可樂就少飲喇，不過可以用黎整雞翼或加姜加檸檬煲熱飲用。驅寒呀，成日歎住冷氣。
齋食雪糕比較寡吧。整番幾個心太軟放雪柜，食時放焗爐幾分鐘就得啦。正!
依家D手機愈出愈新款，愈出愈快，愈黎愈贵。 升得快過恆指，同時跌得勁過股災。
佢可能係你全身最名贵既物件。贵過你拎緊個包包，贵過你著緊对皮鞋，也贵過隻手錶，頸鏈…
万一唔见左，除左损失金錢外，內裡既资料，相片等，更是無價。
有幸地，好心人会等你來电還给你。 不幸地，一切內容已消失世上。但电话仍在，只是不再屬於你了…
继星星後，不知不覺已㷛了數套韓劇。 睇得多，連单字韓文也略懂幾句，嘻嘻！
依家好似有少少中毒，連行超市都跟著韓流。韓式雞翼，韓国烏冬…
早排E生女去韓国旅行，買左D手信。面膜，market o… 杯面都帶左幾個。
行开超市，见到D杯面都幾贵呀。
