糯米粉之延續…

週末约左班姨生仔女一齊返娘家吃飯，整左個芝士乳酪凍餅，红豆西米go, 同芒果糯米糍同大家分享。全部ko哂，嘻!

跟著，又同姨生女深宵制作冰皮月餅。一共整左11盒，即成40幾個呀。一半奶黄餡，一半红豆蓉。嘘，攰死人啊! 不過见大家食得咁滋味，我都好开心，值得既。

整完冰皮月餅，仲淨番D糯米粉，為食老公就提議整埋芒果糯米糍。又可以整糖不甩，仲有湯圓…等等。嘩，好多糯米粉的朋友仔…將陸續有黎。嚇!

新玩具

早排用易賞錢在百佳換左個德國宝蒸爐，諗住一次過三層可以蒸西米红豆糕。点知，如意算盤打不起。D蒸氣会滴落下層，影響質素。

不過，都有其他用處的。例如蒸蕃薯，雞蛋咁…巧方便呢。

搞搞震

大E生女最中意攪攪震，無邦襯。

继年幾前入黎教我整cup cake, 自此之後，我一發不可收拾地，整cookie, 整cream cake, 整呢整路，無時停。

今次，佢又話要黎整冰皮月餅呀。
嘩嘩嘩，之後我既日子將会會是如何啊!

等佢黎整之前，我實習体会一次先。哼!

果欄遊

呢排天氣熱棘棘，要食多D水果先得。

又係水蜜桃季節，多水多汁又香甜。以前多數在日式超市買，但質素有點下降之餘，價錢亦唔平。不如，走轉果欄啦。

须然價錢唔算平，但勝在有品質保證。

有一間專買及代購各地產品的，邦襯多左，自然屬落D。Add 埋wechat, 每次有新货番，可以去look look。老闆真識做生意啊！

鬆一鬆續集之買到喇

上兩篇Blog 提及帝苑餅店今年又再推出山梨縣水蜜桃系列。上次買唔倒，激氣!

今次再去，買夠4件。哼！

红荳西米cake

哈! 早幾日喺Aeon買左包日本红豆蓉，諗住遲D班E生黎整冰皮月餅時用。但網上见到西米糕食譜，好似幾easy, 咁就試下啦，gogogo

無细模，唯有用大pie 模，變左個中式蛋糕咁，嘻嘻嘻！

效果唔錯播! 係油份多左。最搞笑原來我樽芥花子油益左 -_-"

开過支新油，減少左油既分量。 yeah...呢個正，拎左去陳農氏同大家分享!!

久違了的曲奇

在數字屋買左包韓國麥粉整曲奇，睇下同平時用开果D日本低筋面粉有嘜分别....

今次除左提子乾外，有D仲加左朱古力粒。

新鮮出爐啦…多左D麥味，唔錯唔錯。老公仲話有D似藍罐曲奇添呀，yoyoyo

下次改用黄糖，效果可能更佳。

鬆一鬆

早排奶奶做左個小手術，要暫停提供晚饍。我俩公婆要自行解決。

今晚食嘜好？

日本菜？壽司烏冬？燒味反？云吞面？自己煮？兩個人食中菜又叫唔到太多餸。真烦惱!

都話左"能吃已很感恩"啊

唯有甜一甜，鬆一鬆先。

帝苑今年又出山梨縣水蜜桃系列，不過尋晚買唔到。食住巨峰先....

有贵客到

 

週日贵賓~大小姐

黎生最锡呢位E生女，由细睇佢大，成日帶佢周圍去玩，去食。依家大個女喇，讀完書出左黎做野，仲拍緊拖添lu...

见佢今日收早，呢個24孝E丈就出去接佢放工，仲買左D澳州和牛佢嘆。咁我都作出配合嘅，整番個心太軟。

嘻嘻嘻！實際係手痕，整餅引發作。

食咩呢

每逢週日，如果無约豬朋狗存友外出呢，我倆公婆就会為"今朝食咩呢？去边處食呢？"而你眼望我眼!

能吃已很感恩，不可依依鞋鞋啊…

香港乃是美食天堂，但对於我地D新界人，又唔想楂車山長水遠找野食，就唯有就近解決。

沙頭角海景茶座，海景就無嘜睇頭，Well, D炒野都ok喎。至少老公杯㗎啡係同區較好的。中意返大陸既仲啱，有直通巴，一陣就到关口了。

Happy weekend

上星期六，E生仔女入左黎渡假，煮餐好野比佢地嘆。嘻嘻…

前菜有水果沙律及三文魚刺身，主菜有在日本買既飛驒牛咖喱，加D牛肋條一齊炆，好味。腸仔意粉配薯仔蛋白沙律球。

甜品係心太軟配云尼拿雪糕，仲有飯後果…日本白桃。嘩嘩嘩…太丰富喇。回味中。

第二朝一早出發去石澳游水哂太陽。点知等左成粒中都無車位，唯有轉軚去大浪湾啦。

自家制D三文治，瑞士雞翼及腸仔去食。好似野餐咁，feel so good.